أثارت أسما شريف منير الكثير من الجدل بعد ظهورها خلال حفل مهرجان 60 سنة دراما والذي أقيم فى العلمين الجديدة حيث ظهرت بإطلالة جريئة حليقة الشعر وارتدت فستان وان شولدر مكشوف على البطن باللون الذهبي، ولم تكن هذه المرة الأولى التي تثير فيها الجدل.
أسما شريف منير وتصدر الترند
ظهرت أسما شريف منير في فيديو سابق وهي تحلق شعرها بنفسها داخل إحدى الصالونات وعبرت عن رغبتها فى بداية جديدة من خلال هذا التصرف، رواد مواقع التواصل الإجتماعي وجهوا لها انتقادات حادة مع اتهامات بمحاولة لفت الانتباه بهذا التصرف وتصدر الترند
أثارت أسما الجدل على مواقع التواصل وصفحات الأخبار في وقت سابق عندما ظهرت فى حمام السباحة برفقة شابين الأمر الذي عرضها لانتقادات لازعة وقامت بحذف الفيديو بعدها.
أيضا أثارت الجدل سابقا خلال ظهورها فى مهرجان القاهر السينمائي الدولي مرتدية فستان أسود مع غطاء للشعر يشبه الحجاب.
بدوره قام شريف منير بالرد على الهجوم الذي تعرضت له ابنته بعد ظهورها الأخير من خلال مقطع فيديو عبر حسابه على انستجرام قال فيه:
“مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته”.
شريف منير: مش هاجي على بنتي
واستكمل:”تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها”.
وأوضح: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد”.
بصوا على عيلتكوا قبل ماتغلطوا
وتابع: “قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا”.
واردف: “بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها”.
واختتم:”أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها،المهم إننا مش بنضر حد، سلام عليكم”.
