هاجم السيناريست محمد أمين راضي صديقه الفنان محمد سلام بعد انسحابه عن المشاركة في مسرحية زواج اصطناعي بسبب اعتراضه عن المشاركة في عمل فني تزامنا مع الأحداث الجارية في غزة واستشهاد مسلمين بسبب قوات الاحتلال.
وكتب محمد أمين راضي، عبر حسابه الشخصي على موقع التواصل الاجتماعي فيسبوك: مش قادر … مش قادر… كونسبت إني علشان بحب محمد سلام جدا .. فأقرر ما قولش رأيي بصراحة مضايقني من أول ما قولت لنفسي كده امبارح، لأن على الجانب الاخر ما صلاح الجهيني صاحبي، بس حقيقي بعيد بقى عن المحبة و الصداقة، اللي عمله سلام فعل غير مهني بالمرة، حتى ولو مشاعره صادقة، كان عادي يعتذر من أسبوع، مش قبلها بيوم، وكان عادي خلاص برضه ده يحصل بصمت، بدون أي فيديوهات.
وتابع: تحرج زمايله اللي موجودين حاليا … و بتحرج أكتر اللي هيجي بعده، خصوصا إنه صار العرف إن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه، اللي همه في الحالة دي، الجمهور اللي قطع التذاكر بناء على الإعلانات اللي هو موجود فيها لحد امبارح.
واستكمل: طبعا الفيديو المعمول مش موجه خالص للجمهور اللي بتكلم عليه، والأهم بقى من كل ده، وفوق كل ده، الفن مش رفاهية، الفن مش رفاهية أو شيء ممارسته تسيء و تقلل من هيبة الحزن، ومش هتكلم خالص عن خصوصية الفن و دوره. خالص، أنا مش هتكلم إلا على كونه مهنة، ما فيش أي مهنة بيتطلب منها أو بيتطوع صحابها من نفسهم بالتوقف عشان الظروف إلا احنا، ما قبلتش أنا حد في بنك قرر يستقيل عشان خاله مات مثلا.
وأوضح: حقيقي انا مش فاهم إيه اللي حصل أنا واحد اتربى على جيل من الفانين كانوا بيتفاخروا بأن أقرب الأقربين ليهم .. أبوهم مات وهمه دفنوه، وطلعوا على المسرح علشان عندهم ميعاد خشبة مسرح، وعندهم جمهور قاطع تذاكر، واحترامه شيء مقدس.
وأضاف: سيد مكاوي وآخرين كان بيسافر الجبهة بتاعت الحرب عندنا احنا علشان يعملولهم حفلات مخصوص لرفع من روحهم المعنوية، فاللي احنا بنتكلم فيه لا هو بدعة و لا أفورة مننا في حقيقة الأمر انتوا مبتذلين.
