نشب خلاف قوي بين كل من المطرب حمو بيكا، وعمر كمال، وذلك بعد خروج المطرب حمو بيكا كاشفًا عن نية المطرب عمر كمال في اسقاطه، وأنه يدعي حبه.
ونشر حمو بيكا صورة له عبر صفحته الشخصية على موقع التوصال الإجتماعي «فيس بوك»، وظهر في الصورة عمر كمال مع وضع علامة خطأ على الصورة، وعلق على الصورة قائلًا: «ياريت محدش يكلمنى فى شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه، والاثبات بعد الصورة دى هنزل فيديو».
وتابع: «عامل بيحبنى وهو بيكرهنى.. مع السلامة يا صحاب مزيفة».
وبعدها قال المطرب حمو بيكا، من خلال فيديو بث مباشر عبر صفحته الشخصية على موقع «فيس بوك»: «لما تطلع تتكلم، تحدد النجاح من اللي عمله معاك، أنت مبنتش نفسك بنفسك، وأنت ظاهر أمام الشعب المصري إنك أناني مبتحبش غير نفسك، وحابب إن أنت تصنع النجومية لنفسك وبس، فكك من اللي أنت بتعمله وخليك محترم وكويس».
وتابع: «أخونا عمر كمال لما سمع اللي اتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك أنت بس، فرجني يا فهلوي يا حلو واعمل كام تراك لوحدك».
رد عمر كمال على حمو بيكا:
لم تنتهي المشكلة عند هذا الحد، فخرج عمر كمال في فيديو له عبر صفحته الشخصية على موقع التواصل الإجتماعي «فيس بوك»، معلقًا على ما قاله حمو بيكا.
وقال عمر كمال في الفيديو : «أنا تحمّلت كتير جدًا إهانات من بعض الناس، لكن أنا ممكن أطلع أقولك يا “أبوكرش” مثلا، ولكن كل دى إهانات أنا ماليش فيها.. أنا أول أغنية أتربح من خلالها كانت من خلال أغنية “انتى معلمة” وكل الأغانى اللى قبل كده كنت بديها لـ حمو بيكا، عشان يرفعها من خلال قناته ويكسب منها بما فيهم أغانى كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش».
