وجه الفنان محمد هنيدي، رسالة لمخرج فيلمه الجديد مرعي البريمو المخرج سعيد حامد، قبل طرح الفيلم بالسينمات.
محمد هنيدي، كتب عبر حسابه على فيسبوك: المخرج الكبير سعيد حامد صاحب مجموعة من أهم الأفلام في تاريخ السينما العربية،
صعيدي في الجامعة الأمريكيه، همام في أمستردام، شورت وفانلة وكاب، جائنا البيان التالي، غيرها من الأفلام الناجحة اللي كانت السبب في عودة الروح للسينما
المصرية وفتحت طريق أمام فنانين شباب أصبحوا دلوقتي أهم نجوم الفن في الوطن العربي.
وتابع: سعيد حامد كان السبب الأساسي في تحويل الصوت في مصر من نظام الصوت المونو، الى نظام الصوت المحيطي دولبي 5.1 ، وأصر في الفتره دي انه يدخل
التقنية دي مصر رغم الصعوبات و قله الامكانيات كان بيقدر يوفر جزء من ميزانية الفيلم للارتقاء بشريط الصوت و السفر الي اوروبا عشان يقدر ينفذ المراحل
النهائيه لشريط الصوت بتقنيه الدولبي 5.1 .
وأضاف: النهاردة وبعد أكتر من ٢٠ سنة بيرجع سعيد حامد بفيلم جديد مرعي البريمو، عشان يقرر ينقل الصوت في مصر من تقنيه 5.1 الي تقنيه الدولبي اتموس
المذهلة، اللي بتوفر للمشاهد تجربة صوتية غير مسبوقة بتخليه يشعر وكانه جزء من العمل الفني..تحية كبيرة للفنان الرائع سعيد حامد.
فيلم مرعي البريمو
يخوض بطولة فيلم مرعي البريمو كل من محمد هنيدي، وغادة عادل، كل من: أحمد بدير، محمد محمود، علاء مرسي، مصطفى أبو سريع، نانسي صلاح، ومن تأليف إيهاب بليبل وإخراج سعيد حامد.
