وجهت الراقصة دينا رسالة إلى جمهورها من خلال فيديو عبر صفحتها على موقع تبادل الصور والفيديوهات «إنستجرام».
وقالت دينا في الفيديو: «أنا كويسة والنتيجة بقت سلبية وبتعافي، ادعوا لي أبقى أحسن، عشان الخناقة كانت صعبة جدًا.. والخناقة مع الفيروس مش تمام.. صعبة وسخيفة.. لازم الناس تخلي بالها من الفيروس، أنا كنت بخلي بالي جدًا، بس نصيب ورزق وكنت راضية بيه».
وأضافت: «واحشني الكلام.. أنا كنت بين 4 حيطان، وكنت بتكلم مع الحيطان، اتعلمت جدًا من التجربة دي، إنك تمشي في الشارع وتشوف النور بليل، وتشوف صحابك وأهلك كل دي نعم، الواحد ماكنش حاسس بيها.. وأنا بشوف أمي حاسة بجائزة إني قادرة أشوفها واتكلم معاها».
وتابعت: «بشكر أمي.. اللي مارضيتش تسيبني وتسيب البيت وفضلت قاعدة معايا ومخفتش على نفسها، وأنا كنت خايفة عليها.. بس هي ست قوية، وبحترم فيها قوتها، وأنا طالعة زيها، أمي فضلها على راسي من فوق، مهما قلت مش هوفي لها الدين».
https://www.instagram.com/tv/CLmLs6nCV7M/?utm_source=ig_web_copy_link
