طالبه لا تزال في الـ 16 من عمرها، استطاعت أن تحجز لنفسها مكانًا بين أبطال الرياضة ، وفاقت أقرانها على مستوى الجمهورية في لعبتها المُفضلة حتى حصدت فضية بطولة الجمهورية في الكاراتيه، وانضمامها رسميًا لتصفيات النهائية لمنتخب مصر لتُدون اسمها في تاريخ اللعبة.
” رؤى على حسن ” بنت مدينة القوصية التابعة لمحافظة أسيوط، بطلةً جديدة برياضة الكاراتيه
حيث روت “رؤى ” لجريده اليوم
تعبت كتير قبل البطولة وكنت طول اليوم في التدريب ، لكن الحمد لله مفيش نجاح من غير تعب، وفعلًا اللي بيتعب بيلاقي وربنا كرمني بثانى فضية لبطولة الجمهورية”.. كانت هذه أولى كلمات “رؤى” الطالبة بالصف الثاني الثانوي العام في أول حديث لها بعد فوزها بالمركز الثانى على مستوى الجمهورية في رياضة الكاراتيه
“رؤى” اتعلمت كاراتيه وأنا فى المرحلة الابتدائية ، حبيت اللعبة ووالدي وولدتي شجعوني مع إني نشأت واتربيت في مجتمع ريفي له عادات وتقاليد غير المجتمعات الأخرى”، قالتها البطلة لـ”اليوم ” موضحةً أن “كل اللي كان معروف إن ممارسة الرياضة للبنات لسن معين وبعد كدة مفيش، لكن والدي وولدتي قالوا لي معاكي لغاية ما تقولي كفاية
تابعت: “فيه ناس في الشارع كانت بتشجعني وناس تانية كانت بتنتقدني علشان أنا بنت، لكن أنا ما كُنتش شايفة قدامي غير الحاجة اللي بحبها وحلمي إني أحقق بطولات دولية باسم مصر”
واستطردت: “دلوقتي البنت المصرية غيرت النظرة الخاصة عنها بعد ما حققت النجاح في كافة المجالات الي خاضتها وأصبح لها دور واضح في خدمة مجتمعها سياسياً ورياضيًا واجتماعيًا”.
وعن استخدامها رياضاتها التي تُتقنها للدفاع عن نفسها
واختتمت “رؤى ” حديثها بتوجيه الشكر لمدربيها: “أحب أوجه الشكر للمدربين الكابتن مؤمن نجيب ، والكابتن أحمد نجيب ، اللي علموني أصول اللعبة من البدايات، وكمان منطقة اسيوط للكاراتيه بقياده الدكتور عبدالله فرغلي والكابتن سيد عبد الحليم والكابتن محمد سيد حسين وكابتن وسام احمد اللي عملو معايا مجهود جبار علشان أحقق البطولة”.
