قال الفنان محمد سليمان خلال لقائه ببرنامج “راجل و2 ستات” المذاع على قناة “ON” حول الشروط التى يجب وضعها اثناء الزواج من قبل الأهل : “أنا مش بحب أتكلم في موضوعات مش مفهومة، واحد + واحد يساوي اتنين،أنا محطتش شروط في جواز بنتي، لا قائمة ولا فرضت عليه مهر ولا الكلام ده كله، أنا جوزتها بالطريقة الإسلامية”.
وأضاف: “الطريقة الإسلامية، أنا ببص للولد نفسه، مش بيهمني مين أبوه ولا معاه فلوس ولا ممعهوش، المهم الولد متربي ولا مش متربي، ده اللي هيفرق في حياته مع بنته، ممكن يكون إنسان مش كويس وبيجيب لبنتي كل حاجة، العادات والتقاليد اللي بنفكر فيها، مش بتخدم أولادنا على قد ما بتمثل قيود عليهم.
و بالتزامن مع تصريحاته حول زواج ابنته والبساطة التي تعامل بها مع العريس، تصدر مواقع التواصل الاجتماعي فقاموا بإعادة نشر صور عقد قران ابنته فى تعبير منهم عن شدة إعجابهم بطريقة تعامله مع عريس ابنته وعدم إرهاقه بالمصاريف وما يعرف بالقايمة.
