حرص الرئيس عبدالفتاح السيسي، الرد على مروجي الشائعات الذين يرددون جملة “دول بيعملوا الجامعات الأهلية عشان يدوها للأغنياء”.
وقال الرئيس السيسي، خلال كلمته بالجلسة الختامية للمؤتمر الإقتصادي: “حد يجي ويقولك.. دول بيعملوا الجامعات الأهلية عشان يدوها للأغنياء.. أنا بعمل مسار بتكلفة أقل عشان أحسِّن التعليم، وأسعى للتخلص من القبح في كل شيء بالدولة”.
وتابع الرئيس: “عايزين نشوف زي بعض، باختلاف، قُل لي وجهة نظرك، أنا حلِّيت مشكلة الموانئ، أنا ماعنديش وقت أتأخر أكتر من كده، ماعنديش مهلة 10 سنين عشان الناس تييجي، اللي أعرف أعمله، أعمل أنا، طب بقت موجودة، اللي عايز يتفضل، لكل الناس بما فيها شركات الجيش، طب شركات الدولة مطروحة، طب مش بتعتبروا ده فرصة”.
وأضاف: “والله أنا صادق معاكم، كل شركات الدولة معاكم، بس متجيش تقول لي نفض لي منها العمالة الزايدة واديهالي، طب إزاي يعني؟! لما تعمل شركة قطاع خاص بتنقي ناسك، اللي حصل ده ميراث، إوعى تخلي غضبك من سوء الأداء يتحول لعداء مع اللي بيعمل سوء الأداء، إوعى تكره الفقير”.
