تصدر الإعلامي شريف مدكور، مؤشرات البحث بعد تصريحاته عن الحجاب والمحجبات وطريقة ارتدائهن له كما وجه رسائل للمبيعات المحجبات جاء ذلك من خلال مقطع فيديو نشره عبر حسابه الرسمي علي موقع التواصل الاجتماعي «فيسبوك».
شريف مدكور يضع شروط لظهور المحجبة
بدأ شريف مدكور، حديثه فى الفيديو قائلاً: «عندي في البرنامج محدد إن أي واحدة محجبة تدخل عندي وتطلع تصور لازم تكون لابسة ما لا يصف ولا يشف، لأن أنا بعرض برنامج وشاشة وبوري صورة المصريين».
وتابع شريف: «بقيت ألاحظ أن بيجييلي ضيوف محجبات لابسين طرحة مغطيين راسهم ولابسين بدي وهم ممتلئات شوية، وكل جسمهم متفصل، وبنطلون ضيق جدًا وجزمة بكعب كبيرة وميكب كامل ورموش كبيرة».
وأضاف: أن كل شخص لديه الحرية في ما يرتديه وما يفعله و لا أحد يتدخل، متابعًا: «كل واحد حر في لبسه، وعمري ما هاتدخل في شؤون حد».
وحدد مدكور قواعد لمن سيظهر معه في البرنامج، قائلاً: «لكن بالنسبالي ده مش هيطلع على الشاشة، فحطيت قواعد إن أي سيدة محجبة تظهر عندي في البرنامج، لازم تكون لابسة فضفاض ومش ألوان صاخبة، ولو هتلبس بنطلون يكون واسع».
شريف مدكور المحجبة هى اللى اختارت
وعن استضافته سيدات غير محجبات، قال: «بعضهم بيستنكرون ده وبيقولوا إني بطلع ناس لابسين عريان، ردي أن هي مش محجبة، لكن المحجبة هي اللي اختارت تكون محجبة وهي شايفة إن ده فرض وله شكل ما لا يصف ولا يشف، والمحجبة شايف أنها بتتنازل شوية عن جمالها وماتبقاش لافتة للنظر، فإزاي حضرتك بتتحجبي وشايفة إن ده فرض، والمفروض تكوني مش لافتة للنظر وأنتِ لابسة مجسم تمامًا».
وأستكمل قائلاً: “ساعات باشوف محجبات بييجوا لي في البرنامج لابسين حاجات مجسمة، مش بتلبسها اللي مش محجبة!، وبدأ يحصل مشكلتات والضيوف تتخانق معانا ويزعلوا، لكن على الشاشة مش هطلع صور بلدي أو ديني، حد يقول إيه ده”.
نصيحة للمذيعات المحجبات
واختتم: “فيه بعض المذيعات والإعلاميات المحجبات بيطلعوا على الشاشة بيبقوا حاطين ميكب كتير أوي ورموش تقيلة كتيرة أوي، وهمَّ واجهة والناس بتقلدهم.. ونيتي الحفاظ على الشكل، ويا إما نتحجب ويكون فيه التزام ونستغنى عن بعض الحاجات عشان ربنا، وعشان الثواب، لكن هنتدلع في النص ما تقوليش إنه فرض، ساعتها قل لي إنه فضيلة، لأن الفرض يكون فيه التزام وما بيبقاش فيه شكل استفزازي”
