ردت المطربة شذى عبر مواقع التواصل الإجتماعي على تصريحات مؤدي المهرجانات حسن شاكوش وكان قد هاجمها بعدد من التصريحات حيث حل ضيف فى برنامج العرافة مع الإعلامية بسمة وهبة والمذاع عبر قناة المحور.
وقالت شذى عبر صفحتها الرسمية على موقع فيس بوك: “طب انت مستفز يا شكشك بدل كلمة مستفز بتعصبك ودكتورة بسمة وهبة علشان هي ست شيك قالتلك شذى فنانة زميلة علشان تجبر بخاطرك بس الحقيقة أنت لا فنان ولا زميل بالنسبالي خالص انت مؤدي وبالنسبالي صوتك مزعج إنما فنان زميل دي أنا اعترض عليها بشدة ودي الحقيقة بس علشان دكتورة بسمة مؤدبة وانت ضيفها مقلتلكش الحقيقة”.
وتابعت شذى: “واصلا مينفعش تسأل مين دي مش علشان لازم تكون عارفني بيني وبينك اريح لو متعرفنيش وتعمل الشويتين بتوع اه عارف اسمها و مش عارف أغانيها ومال شكلها اتغير كده ليه و جو ٣ ورقات ده لأن الرد موجود ما أنا لو محدش فاكرني و لا عرفني مش هيجيبوا كلامي و يعرضهولك يا جاهل”.
وأضافت شذي: “واصلا أسماء الأغاني اللي أنت قولتها دي تتكتب على تكاتك متعملش فيها بيتهوفن والنبي ومش معنى أن في هيصه الفترة دي على اللون ده أن أنت واللي زيك صناع المزيكا في مصر أبدا والله انتوا فاضحنا في العالم كله بردائه المزيكا اللي بتقدموها”.
واختتمت شذى: “وعموما وعمليا ردك ملهوش دعوة خالص بالسؤال ولا فهمت منك حاجة ومش عيب انك تحضر قبل الحلقة عفوي وعلى طبيعتك دي لما تكون قاعد على مصطبه او واثق في ردودك الذكية المنطقية اللي هي مش موجوده اصلا ف إبقى حضر بعد إذنك علشان بتدوخ المذيعين معاك.. ملحوظة الجاكت اللي كنت لابسه حريمي يا فنان”.
لمشاهدة فيديو حسن شاكوش عن شذى اضغط هنا
