كشفت الفنانة منة فضالي الكثير من أسرار حياتها الشخصية وتفاصيل تعرضها للخيانة، ورغبتها فى الإنجاب.
جاء ذلك خلال لقاء منة فضالي فى برنامج “VIP” مع الإعلامية أميرة بدر عبر فضائية “هي”.
قالت منة فضالي: طبعا اتعرضت للخيانة ودي قصة معروفة قفشته وحسيت أن في حاجة مش تمام ولقيت فضائح، أنا بحترم الراجل جدًا ومش ضده بل بالعكس، ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره انه يبص برا أو عينه فارغة.
وتابعت: فكرت في فترة ما ولكن كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ، وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مش بيستمروا، ولازم يعرفوا ايه اللي أنا بحبه قبل اللي بكرهه وهكذا.
واستكملت: أنا مسرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير، ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما.
