كشفت الفنانة ميرهان حسين، عن أول رسالة وظهور لها بعد قرار اعتزال التمثيل نهائيا.
وكتبت ميرهان حسين، عبر حسابها على إنستجرام:شكرًا على الحب والدعم اللي فرح قلبي وعرفني ان حبكم نعمة من ربنا، شكرًا لكل حد منكم بعتلي مسدچ أو حاول يوصلي و يعبرلي عن حب جميل و يحسسني اني ماتعبتش على الفاضي”.
وأضافت: “شكرًا لكل اللي قالوا في حقي كلمة حلوة، إن شاء الله هارجع أكون معاكم و ربنا يكتب الخير ليا و لكل الناس ،، شكرًا مرة تانية من قلبي” .
الفنانة ميرهان حسين، كانت قد أعلنت اعتزال التمثيل لتعرضها للظلم وعدم تقدير موهبتها الفنية والغنائية، مؤكدة أنها تواجه حياة ظالمة.
وكتبت ميرهان، عبر حسابها الشخصي على موقع التواصل الاجتماعي إنستجرام: أجازة مفتوحة من السوشيال الميديا والمكالمات والالتزامات والمجاملات والتواجد من اجل الاخرين.. مش هكون موجوده لا عايزه حاجة من حد ولا حد يعوز مني حاجه واللي زمان انا عشته لغيري .. انا دلوقتي هاعيشه لنفسي.
وتابعت: “لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل .. اللي بيحبوني شكرا وكتر خيركم واللي مبيحبونيش شيلوني من حساباتكم لحد ما اقدر اواجه الحياة الظـالمة دي تاني”.
وأضافت: “تعبت واشعر بعدم التقدير الشخصي ولموهبتي ولم أعتد البقاء في مكان ومع اشخاص لا تقدرني .. (لذلك انا أعتزل).. بعد ما قدمت العديد من الأدوار التي لا تشبهني ولا تشبه موهبتي ولا تستغل أدواتي كفنانة ممثله محترفه وحصلت على العديد من الورش التمثيلية ده غير اني املك صوت حلو وقادر على الغناء الذي اعشقه لكني تعبت ولم أعد أسعد بجمله انتي مظلـومة.. لن اعرض موهبتي على من لا يراها او يقدرها ولا يحتاجها .. وسط مصـالـح وشـللية وموضه .. ومين اتجوز مين ومين مصاحب مين … مش مين شاطر ومين موهوب”.
