تعرض الفنان عمرو وهبة، لوعكة صحية نقل على اثرها لاحدى المستشفيات، حيث اصابته في قدمه.
وأعلن عمرو وهبة عن اصابته عبر حسابه على إنستجرام، وعلق: الواحد من زمان مقضاش أجازة في مستشفى حلوة كدة.
وفي وقت سابق، قال عمرو وهبة، في تصريحات تليفزيونية، انه ولد في فرنسا، وعقب ولادته بشهر عادت أسرته لمصر، وبعد سنوات بدأ تعليمه في الأزهر، وفي الثانوية العامة حصد المركز الرابع أدبي على مستوى محافظة بورسعيد، ليحصل في النهاية على ليسانس لغات وترجمة قسم ترجمة فورية.
وأوضح: «اتفقنا انا ومراتي هنعمل فرح وروحنا دفعنا عربون الحجز في مكان ما، الفلوس اللي معانا يا نعمل فرح يا نسافر شهل العسل، فبعد ما دفعنا العربون قعدت اتكلم معاها، بس هي كان عندها الأحلام بتاعت
البنات دي الفستان ونتصور والكلام ده.. قولتلها لو عايزة الصورتين هوديكي اقرب ستوديو ونتصور والفلوس دي نسافر بيها، يعني نسافر بيها احنا أسبوع ولا الناس تيجي تاكل بيها في ساعتين، ومبيعجبهمش الأكل برضو، فوافقت وسافرنا».
وأضاف: «كنا صغيرين وشكلنا صغير جدًا، والعمارة اللي كنا عايشين فيها كانوا فاكرينا اخوات، البواب كان فاكر كده، حتي الصنايعية الاقيه يقولي والنبي قول لاختك تعملنا كوباية شاي، فخلاص مش هقعد اشرح لكل واحد، وبعدين فعلا شكلنا كان صغير جدا».
