اجتمع الفنان محمد فراج مع المخرج عمر هلال في مؤتمر صحفي لفيلم “فوي فوي فوي”، وخلال اللقاء وجه الصحفي أحمد عاشور سؤالا حول نهاية الفيلم، فجاء رد المخرج عمر هلال ساخرًا: أنت ما اتفرجتش على الفيلم، دي مش نهاية سعيدة خالص، أنا لو شغال قواد، أو بنظف، أو بعمل مساج لرجالة، مش هبقا مبسوط، دا راجل شغال ممثل أفلام (….)، ليتدخل الفنان محمد فراج ليقول: دي نهاية لو سعيدة ليك أنت حر، أنت كنت في قاعة كام؟” وسط سخرية وضحك من الجالسين.
هذا ما أثار غضب الصحفيين، ورواد مواقع التواصل الاجتماعي واعتبروه سخرية وإهانة كبيرة للصحفي أحمد عاشور، وللمهنة بشكل عام.
وفي السيق ذاته أجرت الإعلامية بسمة وهبة مكالمة هاتفية عبر برنامجها 90 دقيقة مع الصحفي أحمد عاشور، وخلال الحديث عن تفاصيل الواقعة، وجهت سؤالا ل”عاشور” قائلة: حضرتك عضو نقابة صحفيين، ليرد الأخير: “لا والله لسه، أنا شغال صحفي بقيلي 20 سنة، وأنا في محرر في مجلة “ليالينا” في دبي، ولو مش هتعتبروني صحفي علشان مش عضو نقابة بعد عشرين سنة شغل عادي”.
من جانبها رد الإعلامية بسمة وهبة منفعلة: هي دي المشكلة، حضرتك مش محسوب على الصحفيين، ومش عضو نقابة، حقك تتنازل عن حقك، وتابعت: “أنا بعتذر للسادة والمشاهدين والصحفيين، لإن الأستاذ أحمد عاشور ليس مقيدا بنقابة الصحفيين، ولا يعمل في أي صحيفة مصرية، وقامت بغلق المكاملة فور انتهائها من هذه الجملة”.
من جهته رد الصحفي أحمد عاشور عبر صفحته على موقع التواصل الاجتماعي “فيسبوك” قائلا: أقسم بالله دول أقل بكتير من نص أرشيفي الصحفي دا غير فيديوهاتي اللي مش هبالغ لو قلت إنها قربت من نص مليار مشاهدة على كل المنصات اللي اشتغلت فيها.
يا ريت تبعتوه لأستاذة بسمة وهبة يمكن تقتنع إني أنفع أكون صحفي وعرفوها أني بكتب من ٢٠٠٢ وبدأت اتدرب من ٩٨ ومش معنى أني مجارتش أسلوبها في الحوار أنها تهيني وتقفل السكة في وشي في مداخلتها على الهوا.
شكرا يا أستاذة بسمة”
