كشف الفنان خالد النبوي، كواليس فيلمه السينمائي “الديلر” وخطبته الشهيرة باللغة الروسية.
وقال النبوي ببرنامج”سولد أوت”: “رحت لصديقي حبيبي مدحت العدل قلت له ده المشهد اللي بقولك عليه.. ده أكبر مشهد في الفيلم الخطبة دي إزاي نبهر الناس وأنا هذاكرها بغض النظر إيه هي البلد”.
وتابع خالد النبوي: “قلت له عظيم يفضل بقى المنتج ندخل على الأستاذ سامي العدل وفي البروفة هفضل أقول لو المشهد ده عملناه بجد هيتكلف غالي أوي.. شاشات كبيرة ومجاميع كتيرة من أوكرانيا وهياخدوا بالدولار وكل ما أدخل قدامي سامي العدل أقول وهنا يبقى فيه شاشات وهو يقول الله أيوه طبعًا أمال إيه”.
وأضاف النبوي : “قولنا في الآخر خلاص هو مش هيعمل المشهد ده رايح قالنا طب إيه رأيكم كل اللي انتوا عايزينه هعملهولكم بس انتوا تبقوا تعرفوا تعملوا المشهد وقعدت أذاكر 3 شهور وروحت لحد في المركز الثقافي الروسي”.
