أثارت الفنانة مي كساب الكثير من الجدل على مواقع التواصل الاجتماعي بعدما فوجئ جمهورها بحذف صورها مع زوجها مطرب المهرجانات أوكا عقب تعافيها من فيروس كورونا.
ونشرت مي صورة بوستر حكاية “عقبال عوضك” من مسلسل زي القمر، كشفت من خلال التعليق عليها انها في الفترة التي كانت فيها في العزل المنزلي اكتشفت أموراً كثيرة جعلتها تعيد أولوياتها في الحياة لأن تلك الفترة كشفت لها حقيقة الكثير من الناس.
وقالت مي في منشورها: “الكام يوم اللي فاتو كانو أطول مده أقعدها لوحدي في حياتي وبأعترف شفت الحقيقه الكامله حقيقه نفسي حقيقه كل حاجه حواليه وعرفت قيمه كل حاجه وندمت علي كل لحظه ظلمت فيها نفسي أو ظلمت حد من اللي بأحبهم وبيحبوني اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه”.
وأضافت: “أنا عدي عليه ١١ سنه صعبين جدا يمكن القريبين مني عارفين أنا إستحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثره جوايا كفنانه وكإنسانه ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال ١١ سنه دول”.وتابعت: “بأعترف عقبال عوضك كان عوضي الفني والإنساني بعد صبر ١١ سنه حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن وبإذن الله العلي الكريم”.
واختتمت منشورها قائلة: “أنا هأرجع أنا وهأحارب وأقاوم كل روح شريره وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رساله وأكون خير في الدنيا بحبكم من قلبي وحقيقي حبكم ليه هوه الحياه”.
يذكر أن مي كساب، كانت قد حصلت على إشادات جماهيرية كبيرة بعد عرض حكاية «عقبال عوضك» من مسلسل «زي القمر» والذي تناول قضية تأخر سن الزواج للفتيات وشاركها البطولة محمد جمعة وإيمان السيد وغيرهم نخبة من الفنانين.
