أثارت الفنانة آمال رمزي، حالة من الجدل خلال الساعات الماضية، بتصريحات تليفزيونية على قناة النهار، تحدثت خلالها عن تفاصيل خاصة بحياتها وأمور أخرى.
ونستعرض لكم أبرز ما قالته في السطور التالية:
– “تزوجت 4 مرات، منها مرة كان عايش عشان يسعدني ومكانش خاين، من البيت للجامع ومن الجامع للبيت، رغم أنه كان جان، ومن أبطال الصاعقة المتفوقين، إنسان كويس أوي، ومش هلاقي زيه”.
– “مفيش في جمال هند كان طبيعي أوي، دلوقتي في حاجات صناعية كتير جدا”
– أنا ضد عمليات التجميل.
– “محبش عمليات التجميل، لا مش عاملة فتشيني، مش عيب حاجة حلوة بس الزيادة بتبقى مش حلوة، لما بروح عزا أو فرح كلهم زي بعض، ميمنعش أعمل حقنة فيلر وبوتوكس لكن اتعرض لجراحة صعب، شفت ناس كانوا حلوين قبل التجميل وبيحصل تشويه، أنا بعمل بوتوكس وفيلر قبل ما ادخل عمل”.
– “قضية ميمي شكيب تم تلفيقها، فوجئنا إن احنا بنتسأل أسئلة منعرفش عنها حاجة، أنا زُج باسمي وطلبوني وسألوني أسئلة، لكن حرام مكانش مظبوط”.
– “المحامين كانوا مندهشين وبيضحكوا، مفيش راجل في القضية إزاي دعارة بلا ذكر، كل التحقيقات والأسئلة مبنية على أن آمنة تقول، وآمنة دي كانت الشغالة، كله كلام على لسانها”.
– أوضحت أن سبب تلفيق القضية “ناس كانوا على علاقة بمدام ميمي”.
– “انتهت التحقيقات معي بعد شهرين ولم يتم حبسي وقتها كان الموضوع مجرد تحقيق فقط”.
– قالت إنها لم تغضب من عادل إمام بعد اعتذاره عن عدم تقديم فيلم البيه البواب: “لأ مغضبتش منه، كان هيعمل البيه البواب وكنت هبقى مراته، جاله شغل تاني وأحمد زكي عمل بداله الدور، جالي أحمد وقالي مينفعش تبقي مراتي انتي حلوة وأنا عايز زوجة سودة زيي وزيتون أسود”.
– وتابعت “قالي مش ممكن الشخصية تسيبك وتروح لصفية العمري، انتوا الاتنين شكل واحد ممكن تعملي الضيفة وأجرك هو هو ووافقت”، لتذكرها راغدة بالجملة التي قالها أحمد زكي وقتها “قالك انتي وصفية لحم أبيض”.
