كشف مطرب الراب ويجز، عن رأيه في الأحداث الجارية في غزة وفلسطين، مؤكدا دعمه للمقاطعة المتعلقة بالمنتجات الداعمة لجيش الاحتلال الإسرائيلي.
وقال ويجز، في تصريحات تليفزيونية: “بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي محدش بيتحرك، وبتكلمني عن المجتمع الدولي فين المجتمع المصري؟.. أنا أصلا حياتي كبني آدم مصري دلوقتي مش نفس القيمة.
وتابع ويجز:” أنا دلوقتي فهمت هي نفس العنصرية والطبقية والشكل اللي بيتبص لينا بيه أن دي شعوب تعبانة معندهاش القوة الكافية، يعني لو أنت معندكش حجم الجيش الإسرائيلي والأمريكاني متطلبش حقك”.
واستكمل ويجز: “الفلسطيني كان بيروح لبنان والطيارات الإسرائيلية كانت بتيجي تضربه في مخيمات اللاجئين، وبيموت منه 3000 في نفس اليوم ولا حاجة بتحصل، ليه دلوقتي الناس بتتكلم على الحريات؟”.
وأضاف ويجز :”أنا من أوائل المطبقين للمقاطعة، أنا عمري ما هاكل ولا هشرب أي شيء له علاقة بهذا الكيان، لأن في الأول والآخر أنا فلوسي اللي بنت الإمبراطورية دي، وفلوسك بتتبعت علشان تشارك في حرب غير عادلة وغير آدمية”.
